【#我最憎中立撚】
好耐以前我就唔相信呢個世界有中立
就如我細細個就知道偏心係人類嘅本性。
作為一個有兄弟姊妹嘅人，
你應該由細細個就知道老豆老母，乃至阿爺阿嫲都一樣
口裡打著「我無偏心，我個個都錫」嘅旗號
但處事從未實現過真正嘅公平公正。
因為此乃人之本性也，正如你都會鍾意阿媽或阿爸多啲
食三哥都會鍾意「先辣」定「實小辣」多啲
個人喜惡同情緒感受，全部都係人之常情
所以我從來唔相信呢個世界有真正客觀中立。
所謂嘅中立，大概係咁：
1）不問世事，對所有事情毫不了解
所謂中立，只係美化自己嘅無知。
2）個腦仲畀層處女膜包住，毫無思考能力
無從判斷自己立場，所以兩邊都各打五十大板。
3）假中立、真藍絲
我從未見過黃絲會話自己中立，
通常都係藍絲最鍾意一邊話自己中立，
一邊喺度大大力屌勇武，「總之暴力就唔啱」。
總括而言，仲堅持自己係中立嘅人
大多都只係打住「客觀之名」行「主觀之實」
中立者成日都以為自己企喺道德高地，比世人更清醒
但其實佢塊高地made in China，
同深圳啲樓一樣，隨時沉降。
「地獄裏最熾熱之處，
是留給那些在出現重大道德危機時，保持中立的人。」
if we burn, you burn with us ;)
IG：@hkgirlfriend
FB：港女友
Search